Urdu Poetry

Bohat Dil....
Bohat dil ko kushada kar lia kia?
zamaney bhar se waada kar lia kia?
Tu kia sach much judayi mujhse kar li?
Tu khud apney ko aadha kar lia kia..?
Hunar mandi se apney dil ka safha...
Meri jaan, tum ne saada kar lia kia?
Bohat nazdeek aatey ja rahey ho..
Bicharney ka irada kar lia kia..??

Ujla kangan....
ujla kangan belay ka
uss nay meray hath mai bandha
ujla kangan belay ka
pahlay pyar say thami kalai
bad us k holay holay pahnaya
gahna pholon ka
phir jhuk ker hath ko choom lya!
phool to akhir phool hi thay
murjha hi gaye
lakin meri ratain un ki khushboo say ab tak roshan hain
bahoon per wo lams abhi tak taza hay
(shakh-e-sanoober per ik chand damakta hay!)
phhol ka gahna
praim ka kangan
pyar ka bandhan
ab tak mere yad k hath say lipta hua hay